【財經TOP SEARCH】炒貝殼要留意一樣嘢

【Now財經台】截至早上11時止，1小時內《彭博》用戶關注度上升最多港股，依次為貝殼(02423)、遠洋集團(03377)、美團(03690)、中國銀行(03988)、新東方在綫(01797)。

受惠於科技股嘅升勢，貝殼股價上星期一度升穿42元，但之後未能延續升勢，雖然近日高盛叫買貝殼，但股價都係要跌，現階段入市值唔值博？

京華山一國際研究部主管彭偉新指，雖然內房市場暫時仲未見到回升曙光，但貝殼推出咗租約配對服務，活躍於租務市場會係一個利好因素，不過，貝殼虧損情況仍然嚴重，所以佢對貝殼可以升到大行目標價60元有保留。

佢又話，留意到貝殼股價一觸及38元水平，成交就會縮，反映有較多炒作資金流入，投資者要留意回調壓力。