【專家分析】高鑫蝕錢股價照升因為...

【Now財經台】高鑫零售(06808)噚晚出咗業績，全年轉蝕逾7億人仔，收入按年跌5%，毛利率跌至24.4%，同店銷售按年更錄得負增長，線下業務銷售表現唔掂，靠線上業務及與母公司阿里巴巴(09988)團購供給業務大幅增長撐住。高鑫股價今日表現興奮係咩原因？

英皇證券研究部總監陳錦興指，作為一隻轉型中嘅零售股，高鑫線上業務增長係呢份業績嘅亮點，係股價今日嘅上升動力，雖然公司全年要蝕錢，但其實當中有啲係減值撥備，如果撇除呢啲因素，高鑫其實係有盈利。佢又話，高鑫有派末期息，反映現金流穩定，其實高鑫帳面虧損係市場預期之內。