【專家分析】小心美股「壓軸業績炸彈」

【Now財經台】標指上周一度「閃現」熊蹤，美股喺新一個星期有個好開始，3大指數噚晚齊齊向上，其中道指埋單升超過600點。睇返2011年10月，標指避過「見熊」一劫後，連續3日開大陽燭，成個月都走強，短期有冇機會歷史重演？

潤淼資產管理董事盧志威指，除非聯儲局喺加息部署上轉向，否則，美股嘅市況都係比較差，美國公司業績麻麻，主要係通脹嘅影響反映喺經濟上，多隻零售股大跌，而零售相關衍生板塊嘅槓桿效應都被拋高，多個來自業績嘅訊號，都反映市場價值正在下降。

William估計，由於美股已經累積咗唔少跌幅，後市應有一定反彈，起碼唔會再喺低位徘徊，但要小心個別股份出現「業績期炸彈」，有機會炸冧股價逾10%，甚至20%。