【專家分析】李寧或減價散貨股價有難

【Now財經台】港股今日一度跌超過400點，之後跌幅收窄，今日其中一個跌幅較顯著嘅板塊係體育用品股，李寧(02331)跌超過9%，安踏體育(02020)曾跌逾5.5%，申洲國際(02313)一度跌逾8.3%，其中跌得最甘嘅李寧，其實未見傳出重大利淡消息，但點解跌到咁？

uSmart盈立證券研究部總監陳偉聰指，內地疫情反覆令市場嘅憂慮再度升溫，銷售無可避免有影響，事實上，「五‧一」黃金周期間，李寧、安踏嘅銷售都要跌，公司可能面臨存貨壓力，為咗谷銷售之後可能要提供折扣，或加大折扣幅度，到時難免令利潤受壓。Jason估計，如果內地疫情持續，零售要半年先可以復甦，唔排除李寧股價再尋底。