我的股票

    名稱 現價 升跌

    資料報價延遲十五分鐘

    【專家分析】危站熊市邊緣!標指要再跌10%?

    【分析】 2022/05/20 11:25

    【Now財經台】由俄烏戰爭、美國持續加息,以及內地疫情封控,唔止拖低標指,連MSCI環球指數都跌到熊市邊緣,標指對上一次「見熊」喺前年疫情最恐慌期間,當時熊市只維持咗33日,不過,有分析認為,美股今輪調整可能以幾年計,若以即市或收市紀錄高位計,標指暫時回落咗約19%,但去到熊市邊緣仍然有支持,現階段應該博反彈,還是追沽?

    華盛証券分析師聶振邦指,美股由2018年開始連升咗3年,所以今次調整未必一時三刻就完,但以幾年計就似乎唔太合理,因為要睇返經濟數據,再評估係咪有衰退壓力,先可以再估計美股今次要調整幾耐。

    聶Sir又話,睇返2020年第4季,標指曾調整至3600點水平,標指噚晚收報3900點,意味可能仲有10%調整幅度。

    聶振邦
    華盛證券分析師