【專家分析】光伏股發戰爭財？

【Now財經台】港股噚日大升後，今日走勢反覆，但個別新能源相關股，例如光伏股都升得唔錯，其中信義光能(00968)一度升超過4%，仲係表現第2好藍籌。滙豐證券最新嘅報告話，發現來自歐洲地區嘅光伏產品需求持續上升，令內地光伏產品製造商受惠，需求上升嘅主因係地緣局勢，呢個講法成唔成立？

英皇證券研究部總監陳錦興指，呢個睇法都合理，因為俄烏戰事不論對新能源需求，或行業前景都係利好，尤其歐洲以往過分倚賴天然氣發電，依家係時候重新諗一諗轉用清潔能源，例如光伏、風電等，喺呢個情況下，光伏行業嘅需求會更大，內地光伏產品製造商嘅機會自然多咗，因為現時全球光伏產品供應中，內地佔比唔細。