【專家分析】美科技股繼續殺估值？

【Now財經台】花旗指出，雖然美股估值正脫離泡沫區域，但認爲未來回報率偏低，依家納指100預測市盈率(PE)跌到20倍，前年疫情期間見過18倍，2018年底更見過16倍，後市會唔會進一步跌至呢啲低位？

華盛証券分析師聶振邦指，2019至2021年就連升3年，當時有強勁嘅經濟數據支持，但今年第1季經濟增長出現負數，經濟狀況偏弱，如果針對返科技股，美國持續加息，即使唔係加0.75厘，若持續加0.5厘，科技股融資成本一定會上漲，因此，暫時睇嚟殺估值情況仍會持續，整體PE仍有下調空間。