我的股票

    名稱 現價 升跌

    資料報價延遲十五分鐘

    【名家給力場】人仔可守住6.75至6.8水平

    【分析】 2022/05/12 15:30

    【Now財經台】人民幣近期持續貶值,主要受美國加息及內地疫情影響,交易員話,內地疫情現曙光,有利投資情緒,中國經濟基本面及資金流有機會好轉,有利人民幣回穩。人民幣弱勢仲會持續幾耐?

    臻享顧問董事總經理王良享指,人民幣兌一籃子貨幣嘅弱勢暫時仍會持續,但兌美元就應該差唔多結束,如果睇返人民幣嘅貶值速度,最快係4月中開始,因為當時啟動咗疫情封控措施,而3月未爆發疫情前,美債孳息率上升令部分資金離開中國債市,而3月上旬A股表現亦非常差,錄得頗大淨流出,但人民幣表現其實有啲滯後,而美元過去兩三個月嘅升幅,已經反映咗加息預期,佢估計,人民幣可以守住6.75至6.8,暫時情緒方面唔太好,但基本條件仍受控。

    王良享
    臻享顧問董事總經理.