【專家分析】內地餐飲股九毛九秤先

【Now財經台】內地餐飲股今日普遍跟隨大市反彈，高盛最新嘅報告指，受上海封控措施影響，內地整體餐飲業4月表現，僅及2019年同期50%，不過，華南地區尤其深圳，表現比高盛估計好。個股方面，高盛認為，百勝中國(09987)、九毛九(09922)，同埋相對冷門嘅海倫司(09869)，都係市況波動下較強韌嘅餐飲股。

英皇證券研究部總監陳錦興指，揀餐飲股應考慮增長較好嘅股份，九毛九喺舊年整個行業復甦時，增長動力係特別強，而管理層執行能力亦好好。至於百勝中國嘅快餐業務如KFC、Pizza Hut網絡都係好大，但管理層對今年第2季睇得差少少。佢又話，海倫司復甦可能會更慢，因為要等封城結束先可以慢慢追返上嚟，加上業績「見紅」，相對之下唔算吸引。