我的股票

    名稱 現價 升跌

    資料報價延遲十五分鐘

    【專家分析】內險股揀唔落手?

    【分析】 2021/09/20 16:36

    【Now財經台】恒大系繼續跌唔停,仲拖冧埋內房股,更殃及一眾持有內房資產嘅內銀及內險股,內險股中以中國平安(02318)跌得最甘,4年以來首度失守50元關口,今個月已累跌逾16%。不過,高盛為平保護航,上半年內房投資價值僅佔平保投資組合5%,多家券商普遍都畀緊「買入」或「增持」評級,目標價維持喺100元水平。

    uSmart盈立證券研究部總監陳偉聰指,雖然平保上周澄清冇揸住恒大相關債券或股份,但市場擔心平保有冇持有恒大發行嘅理財產品,或者恒大旗下嘅物業,同埋用非標準資產方式入帳,因而冇顯示喺資產負債表,所以都要開始計吓數。Jason又話,就算冇恒大事件,內險股上半年基本面都唔好,例如新業務價值、長期保障型產品增長顯著放緩,甚至要跌,喺呢個情況下,都冇邊隻揀得落手,而平保重返「紅底股」機會唔大。

    陳偉聰
    uSMART盈立證券研究部總監

    相關股票

    編號名稱
    02318中國平安