我的股票

    名稱 現價 升跌

    資料報價延遲十五分鐘

    【FINTERVIEW】「染藍」效應炒完未?

    【分析】 2021/09/06 11:59

    【Now財經台】恒指成分股今日正式換馬。由8月23日恒指公布季檢結果起計,3隻新貴中,李寧(02331)、信義玻璃(00868)累升逾11%跑贏大市,而招商銀行(03328)就跑輸,只升得2%。

    招銀國際證券研究部策略師蘇沛豐表示,被動資金早已追入股份,認為「染藍」效應已經反應晒。而內銀股本來就冇乜上升空間,而淨息差亦可能因人行未來降準、減息而收窄,影響盈利能力。

    另外,大藍籌權重亦有變化。美團(03690)份量加重,滙豐控股(00005)與小米集團(01810)減磅,騰訊控股(00700)、阿里巴巴(09988)、友邦保險(01299)仍係最重磅。

    Daniel預期,內地監管陰霾將繼續籠罩ATM,未來幾個星期恒指會係上落格局。

    佢又話投資者想趁低撈貨,可以考慮今朝變返「啡底股」嘅騰訊,目前只有遊戲業務受政策風險影響,反彈空間較大。

    蘇沛豐
    招銀國際證券研究部策略師