我的股票

    名稱 現價 升跌

    資料報價延遲十五分鐘

    【專家分析】美股難衝高!除非...

    【分析】 2021/06/11 12:33

    【Now財經台】美國通脹數據噚晚終於出爐,美國10年期債息喺數據公布前跌穿100天線,結果CPI大升5%,升幅比預期更高,係13年以來最大升幅,債息曾短暫扯高至1.53厘,但之後再不斷向下,仲一度跌穿1.44厘。

    華盛証券證券分析師聶振邦指,出現呢個情況其實唔意外,因為4月都曾經出現類似嘅情況。佢又話,美國最近出嘅經濟、就業數據都好過預期,經濟復甦步伐良好,令市場相信依家嘅通脹情況只係暫時性,亦慢慢適應高通脹情況。不過,聶Sir提醒,市場似乎開始傾向樂觀,但如果因為呢啲消息,美股後市嘅升勢未必會咁勁,其實5月上旬開始,美股有少少回落嘅趨勢,除非未來一兩個星期道指及納指破頂,否則美股走勢只係平穩。

    聶振邦
    華盛證券分析師