我的股票

    名稱 現價 升跌

    資料報價延遲十五分鐘

    【名家給力場】港股冇大調整、股災「凶兆」

    【分析】 2021/05/03 16:05

    【Now財經台】港股已連續第3個交易日冇北水, 如果睇圖連續兩日開出大陰燭,個市就冧咗落去,今日仲插穿埋100天線,到底「死因」係咩?冇北水、擔心印度疫情失控、香港出現變種病毒,還是季績期過咗冇嘢好炒?

    《香港股票財技密碼》作者梁杰文指, 市場其實唔係太悲觀,相信跌市主要同冇北水有關,雖然港股跌穿咗100天線,但佢認為,依家只係一個區間上落格局,一旦大市跌穿28000點,先再判斷市況係咪轉差,只要睇下外圍其實唔使太悲觀,美股仍然喺歷史高位,本港樓市仍然熾熱,喺全球「水浸」下,佢估計,港股只係調整,同埋北水放假令市況轉弱,暫時睇唔到大調整,甚至股災徵兆。

    梁杰文
    《香港股票財技密碼》作者