我的股票

    名稱 現價 升跌

    資料報價延遲十五分鐘

    【名家給力場】施政報告撳唔低樓價?

    【分析】 2019/10/16 15:02

    【Now財經台】施政報告針對樓市推出多項措施,但之前惹嚟熱烈討論,盛傳政府會收返農地起公屋呢個方案就唔見影。

    原銀國際董事總經理陳建良指,相信好多市民都期待再有「辣招」,或有一啲大動作,但施政報告完全冇針對地產商嘅「辣招」,而提及會收回嘅三類土地,亦冇之前盛傳嘅農地,會大大減少發展商嘅憂慮。

    至於其中三個重點政策,KL就咁睇:

    ‧起過渡性房屋:同樓市無關,反而係穩定社會嘅措施

    ‧推租金津貼、「租者置其屋」:等同將買樓需求推後幾年

    ‧推居屋、綠置居、白居二配額:等同將市場切割

    KL認為,政府對私宅市場某程度上已經投咗降,因為根本冇辦法為私宅樓價降溫,量太大之餘,亦擔心有金融風險,佢估計,樓價未來會跟隨需求浮動。

    陳建良
    原銀國際董事總經理