我的股票

    名稱 現價 升跌

    資料報價延遲十五分鐘

    【專家分析】再高追雷蛇有風險

    【分析】 2019/04/15 16:18

    【Now財經台】有傳騰訊控股(00700)計劃開發自家嘅遊戲手機,並已經接觸過雷蛇(01337)同華碩等代工。騰訊股價今日最終要倒跌,反觀雷蛇就一度炒高19%,高見2.3元,收報2.13元,升逾10%。

    南華資產管理高級組合經理陳偉聰表示,其實騰訊推出遊戲手機對集團而言並唔係咩特別事,相信亦唔會成為主流業務,大規模生產,所以騰訊股價冇咩反應。

    Jason又認為,喺製作遊戲手機方面,雷蛇有唔少競爭對手,就算今次真係泊到騰訊碼頭,由於做代工嘅利潤率始終唔高,所以相信對集團幫助有限,股價宜家炒到上呢個水平,再高追會有風險。

    陳偉聰
    南華資產管理高級組合經理

    相關股票