【now.com財經】上個星期五(4月26日)揀咗隻恒指牛(56050)出嚟，平均買入價為0.071元，Set好以五分鐘圖保歷加中軸作為下力量度線，至於上方目標就無Set到嘅，不過提咗係星期五，如常的唔過夜當收工前10分鐘走貨是常識吧！
喺下半場2點50分見指數穿過五分鐘圖保歷加中軸，(56050)又響起準備起身嘅訊號。再比多五分鐘，見指數完全低於中軸，確認(56050)要起身。如常的用10分鐘作為走貨時間的話，按期內(56050)高低位做過0.083元/0.081元計，平均賣出價為0.082元，呢一趟平均執11格或15.49%。仲唔Happy Friday?
今朝如常喺未開U盤之前同戰友睇咗啲牛熊街貨分布、走勢圖同埋揀定啲貨出嚟，見今日絕大部份嘅街貨都係放喺熊證嗰邊，同時喺日線圖上亦見指數準備向250天線挑戰，呢條牛熊分界線都算久別重逢，以今朝恒指開市價17,737點計，指數用咗29點重上250線(開市見17,708點)水平。
少少出現街貨VS技術分析，今日睇佢個死款都有啲似打牛熊分界線攻防戰，同步見街貨圖17,800至17,899點有1,254張期指喺度，再加上今日係期結日，「習性」上嚟講指數都係會向上行嚟收個靚位去做結算嘅。
但係唔好理，我哋做Day Trade嘅只係跟住大方向行架啫，就好似啲人行山摸方向時會掉啲麵包喺地下，而我哋就只係跟住喺後面逐粒逐粒麵執返佢嚟食啫，依家9點45分，恒指已經踩咗入去17,800點樓上，即叫做進入咗重貨區範圍，作戰室好倉未開市已經準備好晒，所以到依家已經爬好晒格仔咁滯。
10點未到指數暫時見似乎企唔穩喺17,800點樓上，都過依家都只係開咗市廿分鐘啫，仲有時間，再睇返五分鐘圖見依家9點54分，保歷加通道已經變橫行，都好，至少今日睇呢個專欄嘅你都仲有時間可以度住技術分析嚟去出倉，五分鐘10/20線接得住指數的話，恒指牛(56237)，收回價17,201點，同現價有約500點距離，槓桿有約33.4倍為全場最高，睇今日會唔會食埋17,800點全層熊咁激。
作者阿珊，以技術分析專心玩輪證，唔貪心，努力賺取我家肥貓罐罐。
Patreon新增內容《開市前速報》，七日免費試用：https://www.patreon.com/join/cbbcwar
