【名家給力場】超智能炒控股權易手炒過龍

【Now財經台】月初開始停牌嘅超智能控股(01402)，昨日(28日)發通告宣布控股權易手，股份今早(29日)復牌一度升飆2倍，高見0.54元，其後升幅顯著收窄。控股股東獲買方提出以每股0.23元，較停牌前有近28%溢價，收購佢持有約57%股權，交易完成後，買方及一致行動人士持股量升至約71%，總代價約1.38億元。今次收購溢價唔夠28%，但點解股價點解會炒到咁，有冇炒過龍？

《香港股票財技密碼》作者梁杰文認為，超智能股價今日升到咁，可能真係太興奮，由於股份本身買賣流通量不足，所以資金一下子湧入就可以大幅推高股價。超智能股價喺呢個消息公布前，一直都比較低迷，本身市值又細，突然傳出控股權易手消息，或多或少會引起現有股東及投資者關注，可能憧憬新人事新作風，就吸引資金追入，加上之前股價跌幅驚人，資金湧入就帶動股價急彈，但都見到升幅好快收窄。