我的股票

    名稱 現價 升跌

    資料報價延遲十五分鐘

    【股市脈搏】新創建「疫市」靠高息率「吸金」?

    【綜合企業】 2020/07/28 11:36

    【Now財經台】恒生指數綜合企業分類指數中,表現較弱勢嘅新創建集團(00659),係新世界發展(00017)嘅基建及服務旗艦,新巴、城巴都係佢地旗下,亦有物流及建築等業務。

    股價由上年3月見頂,高位曾見過21.03元,之後持續沉底,去到今年5月底,低位落到6.02元,市值蒸發70%有多。公司上月中先發盈警,話受疫情影響,公路收費及巴士客量都大減,預期至6月底止,全年純利會大幅減少,不過因為資金流穩建,將維持現有可持續及漸進式派息。

    至於股息率,股價5月尾股價落到低位,股息率升至9.6%,之後股價可以慢慢回升。近日跟隨一眾本地股弱勢,再次跌向「疫情底」,現價股息率都已經升至9.3%,今日初見反彈,難道資金果真被息率吸引?

    想睇更多財經消息

    相關股票