【專家分析】潤電派息比率有望再上調？

【Now財經台】華潤電力(00836)中午公布中期業績，期內營業額減少16%，至於純利就增加35%。股價午後曾經倒升，但之後都係反覆偏軟。

中民證券研究部董事黃偉豪指，公司早前除售山西省煤炭資產，同埋減持阜陽電廠部分股權，令到營業額要下跌，不過就借助燃料成本大幅減少，而令經營溢利同純利明顯造好，所以整體份業績都有驚喜。

Ravi又話，雖然上半年派息比率按年增加60%，但唔可以由此推斷之後嘅派息會增加返。佢話如果公司最後全年派息比率去唔返之前嘅80%至90%，股價就可能會有調整。