我的股票

    名稱 現價 升跌

    資料報價延遲十五分鐘

    【輪證下半Part】冷吼比迪Call

    【輪證】 2020/05/20 14:23

    【now.com財經】今日個市的確有啲唔開胃,開5分鐘圖雖然見到SlowSTC(14,3)有波幅,但恒指實際點數只係處於窄幅上落嘅走勢,根本連搵條罅摺入去都難。

    花咗啲時間去睇個股,其實走勢都真係幾極端,要受消息或板塊異動而上嘅,大部份都已經上到嚴重超買水平,但基於利好消息有機會有後續嘅情況之一下,貿貿易開淡倉亦只會徒勞。就好似之前部住嘅小米(01810)咁,技術上明明已經嚴重超買到不得了,但喺W股可以被染藍兼今日有業績出爐,有機會撐多一下股價之下,部咁耐都係得個望字。

    至於有一批跑輸大市嘅,或者有一段時間都無見過佢嗰名出現嘅,例如平保(02318)、友邦(01299)、滙控(00005)同中移900941)咁,跑輸大市唔係問題,問題係在於跑輸咁耐以為準備接力啦,但開個圖出嚟睇,唔係保歷加通道口拓闊疑似比位再繼續跑輸,就係保歷加通道窄到肥多兩磅都入唔到。

    繼續睇啲好耐都無蒲過頭嘅股份,八掛下依家個圖變成點,睇住個電視旁邊啲最新消息,見到其中有一條簡訊話:「比亞迪口罩日產量5000萬個,料五月出口逾10億個」於是,又望望比亞迪(01211)個圖。

    日線圖上比亞迪股價喺週一(5月18日)回落後,呢兩日都有所反彈,同步見SlowSTC(14,3)都有跟升,仲要係喺超賣水平反彈起身,至依家兩線上到1X至2X呢個位置,反彈空間仍有;不過就要睇住股價今日收市時會唔會被條保歷加通道中軸($45.33),再加埋條10天線($45.39)Jam住咗,事關比亞迪現水平處於保歷加通道中軸下方,力就唔多夠,因DMI嘅ADX下行中,只係+DI噚日(19日)升穿條-DI,屬利好訊號。

    雖然市場上有一大堆比亞迪Call可以揀,但呢隻underlying又的確係有少少冷門(...都...唔係少少),比迪Call(19181),行使價$48.88,價外逾7%,槓桿偏高、引伸適中,不過個市咁唔就,手痕嘅paper trade試下佢虛實算啦。

    作者阿珊,任財經/投資版傳媒人十幾年,《鐘擺戰略贏港股》作者。用技術分析專心玩輪證,唔貪心,志在搵餐下午茶。

    電郵:gladyshan@gmail.com;FB:輪證贏家

     

    想睇更多財經消息