我的股票

    名稱 現價 升跌

    資料報價延遲十五分鐘

    標籤: 65876

    【輪證下半part】恒指牛仲有勝算

    【輪證】 2020/04/09 13:38

    【now.com財經】今朝早火速返公司一趟,為避開lunch time人流,上埋幾條稿、請埋個假、入咗張單、同Pantry CEO珠姐吹咗兩句水之後,就拿拿聲閃人。

    買完外賣返屋企,同我家老爺食完嘢,咁就下半場開市。依家1點23分,恒指做緊24128點,升157點;開5分鐘圖見到恒指SlowSTC(14,3)喺今朝10點50分至11點5分時落到超賣水平,按策略可以小注買入恒指牛(65876),而喺嗰段時間(65876)高低位做過$0.078/$0.074,平均買入價為$0.076。

    呢一注唔駛持貨好耐,事關留心SlowSTC(14,3)走勢,喺11點打後%K線其實已經喺低位升穿條%D線,換言之假設喺11點5分,SlowSTC(14,3)低位回升但仲未升過超賣水平前,仍然都係入(65876)嘅時機。過後,SlowSTC(14,3)已經回升,上到11點50分至上半場完結時,已經見8X以上水平。

    如果唔貪心喺嗰段時間將(65876)沽出,按高位低做過$0.085/$0.083,平均賣出價為$0.084,對比平均買入價雖然只有八格水位,但連下半場都可以唔駛睇喎,仲要前假期前夕,都算係咁啦。

    假使miss咗上半場呢個沽貨位嘅話,唔緊要,依家1點32分,恒指SlowSTC(14,3)已經回到落去接近超賣水平。依家距離全日收市仲有兩個半鐘,係有足夠時間比條SlowSTC(14,3)再次彈返上超買位置;當然,大前題係假設條SlowSTC(14,3)真係再彈先啦。

    望多眼(65876),證價依家做緊$0.081,同平均買入價對比有五格水位,當然你都可以選擇喺呢個時侯收工啦,但係如果想睇耐少少嘅話,應該仲有勝算嘅。

    各位,復活節快樂!五日後見!

    作者阿珊,任財經/投資版傳媒人十幾年,《鐘擺戰略贏港股》作者。用技術分析專心玩輪證,唔貪心,志在搵餐下午茶。

    電郵:gladyshan@gmail.com;FB:輪證贏家

     

    想睇更多財經消息

    相關股票

    編號名稱
    65876