我的股票

    名稱 現價 升跌

    資料報價延遲十五分鐘

    標籤: 地產

    【城規建設】深水埗變科技區?

    【地產】 2020/04/06 14:00

    【now.com財經】本欄上期筆者初探新冠疫災之下,城規策略應有嘅轉向;就係從高度密集嘅城市經濟規劃模式,改為分散去由城市嘅邊沿住宅小區,甚至商業機構嘅員工家庭來共同分擔,但係要產生同樣嘅國民生產總值(GDP)。

    要達到呢個目標,就加強小區嘅營商能力同埋數碼基建。

    其實,西方國家已經開始實踐依個城規轉向,以城規及行政手段,注入數碼基建,引入始創投資(startup investment),鼓勵新興行業發展,將既有舊區鎮成功重新塑造成為科技創新區(innovation districts)。

    早喺廿年前,西班牙嘅巴塞隆拿,將一個面積500公頃嘅舊區,改為科技創新區,名「22@Barcelona」。裡面嘅生活倡導步行,四周充滿智能設施,新舊建築並立,新舊人類共存。

    「22@Barcelona」嘅成功,引發其他國家效法。譽如美國波士頓嘅Seaport Innovation District,係另一好例子。

    舊區變身科技城,好處係舊區可以重生之外,政府亦唔使開拓新區規建科技區。

    香港城規應對科技嘅發展,仍係處於土地用途劃撥嘅層次;大埔科學園、數碼港就係咁樣產生出來。

    香法而家仲未好似外國咁,將現成嘅舊區注入新原素,來變身成為科技創新區。

    其實,深水埗呢個舊區,裡面已經有幾個普受歡迎嘅大型電腦商場,點解唔可以變身成為創新科技區?

    香港測量師學會會員陳家欣

    想睇更多財經消息