我的股票

    名稱 現價 升跌

    資料報價延遲十五分鐘

    標籤:

    【蝸居百科】聘請室內設計師

    【輪證】 2020/04/04 16:28

    【now.com財經】蝸居面積細小,裝修成本點都唔會太高。橫掂都係,你不如索性預算鬆動啲,請一個室內設計師(Interior Designer,即ID)為你嘅蝸居設計,但求盡善盡美,滿足你嘅審美觀。

    不過,如果你唔識得點同ID合作,就算蝸居裝修煥然一新,啱晒你心意;但係結果好睇唔好住。原因,可能你唔識同佢溝通。

    無論個ID幾咁出名有料,佢幫你設計裝修完蝸居之後,佢就會離開,唔會住喺度;而係你同家人搬返入去住。所以,你決定聘請一個ID,唔好凈係去諗間屋要點設計先至靚;更加重要嘅,係你首先要諗清楚,你同家人嘅生活方式,並且要好清晰咁同ID表達,佢先至可以將美觀同實用共冶一爐。

    譬如話你係影音發燒友,咁牆腳插蘇就要夠多,又要收藏得靚;否則將來又係滿地拖板,蝸居設計得幾別緻都好,都係大殺風景。

    其次,你要坦白咁同ID講清楚,你包括室內設計費嘅裝修預算係幾多。如果ID向你提議一個超出你預算嘅設計方案,你不妨拒絕。

    其實,醒目嘅ID係會睇餸食飯,移船就磡,修改設計來遷就你嘅預算。

    最後,設計方案你同意嘞,使費成本亦符合你嘅預算;咁一旦裝修開始咗,你就千祈唔好再三心兩意,要求ID修改設計;否則,ID會覺得你唔尊重佢嘅專業之餘,裝修埋單又會超支。

    蝸居達人邵存希

    想睇更多財經消息