我的股票

    名稱 現價 升跌

    資料報價延遲十五分鐘

    標籤: 6435800175

    【輪證下半Part】吉利有得諗

    【輪證】 2019/11/18 14:48

    【now.com財經】依家2點19分,電視由今朝到依家一直開住直播台,坦白講真係由前日開始一直打到依家,真心問:有必要咩?就算喺股市上追住啲街貨打,啲街貨縮、撤,或者將戰線向後移,其實個市都唔會窮追猛打,因為咁樣做,只會「反抗」愈大;或者你會覺得呢個比喻有值得商榷,不過,只係想講一句:當認清問題之後,再用對應嘅方法,問題先至會轍底解決。而大前題係:認清問題未?

    過多10分鐘,都係睇返個市,恒指依家做緊26607點,升280點,今朝早一度升幅有收窄至210點附近,依家當然又再彈過啦。今朝都有講過,喺技術分析VS街貨分布呢個矛盾大對決,承然其實10次有9次都係街貨勝,事關一旦街貨層被收回,對輪商嚟講已死去嗰一層嘅街貨相對應對沖嘅期指就無需要再持貨,喺沽出嘅時候就係佢哋獲利嘅時候,一個咁大而又咁實際嘅理由作為大前題,仲有其他嘢傾咩?

    當然啦,市旺都唔好無啦啦反手出擊,敬畏市場呢句說話幾時都啱用嘅,大市搵唔到位落場,可以嘗試從個股出發嘅。

    搵咗10幾隻藍籌同埋出得比較多輪證嘅個股之後,搵到吉利(00175)日線圖見SlowSTC(14,3)嘅%K線(32.165)低位抽升%D線(31.588);今日再呈一支大陽燭升穿10天線($15.098)同20天線($14.845),現時(2點38分)報$15.3,升3.5%,都算係今日嘅異動股之一,在位置上今日處於五條平均線之上,看勢上比恒指好。

    開輪證搜尋器搵吓吉利啲牛證,槓桿10倍都無,最貼價嗰隻都只係9.54倍;而輪嘅槓桿就比證更低(咪以為20幾倍嗰啲好正,你留意吓個日期,係末日輪嚟架),都係喺番牛證著手算。吉利牛(64358),收回價$14.38,同現價有約5.8%差距,吼吉利5分鐘圖見超賣嘅話,就小注落場啦。

    作者阿珊,任財經/投資版傳媒人十幾年,《鐘擺戰略贏港股》作者。用技術分析專心玩輪證,唔貪心,志在搵餐下午茶。

    電郵:gladyshan@gmail.com;FB:輪證贏家

    #輪證贏家 #輪證下半Part #warrantsandcbbc

     

    想睇更多財經消息