我的股票

    名稱 現價 升跌

    資料報價延遲十五分鐘

    【股市脈搏】萬隆發CB發展工業大麻 曾飆升38%

    【本地】 2019/10/15 16:00

    【Now財經台】萬隆控股(00030)公布有意變成工業大麻股後,股價早段爆升逾38%,高見0.36元,見兩年半高位,不過升幅之後大幅收窄得返一成幾。

    萬隆公布將向最大單一股東雲南白藥發行兩年期,總共7.3億元嘅可換股債券,用作發展工業大麻業務。其實大麻概念股喺今年第一季同第二季曾經大炒過,但近期幾隻上市嘅大麻概念股股價已經打回原形,呢刻要炒大麻概念似乎有啲難。投資者可以留意返呢批可換股債券嘅行使價0.258元,相信對股價會有一定指示作用。

    另外,上日提到計劃申請轉主板嘅彌明生活百貨(08473),三年累計盈利未達5000萬元嘅主板上市要求。上日嘅計算方法係將上市開支計算在內,而參考上市規則,累計盈利應該要扣除日常業務以外業務所產生嘅收入或虧損。按呢個準則,撇除上市開支,公司三年累計盈利達到主板上市要求,謹此澄清。

    想睇更多財經消息