我的股票

    名稱 現價 升跌

    資料報價延遲十五分鐘

    標籤: 00027

    【輪證下半part】銀娛仲有無得去?

    【輪證】 2019/06/28 15:07

    【now.com財經】依家2點32分,恒指走勢無乜大變化,做緊28477點,跌143點。就連日線圖上都同今朝見嘅一差唔多,似乎大家都準備等4點鐘收市,然後再等收工,好好迎接三日長假期。

    長假期有咩好做?近近地去澳門玩都唔錯嘅,不過澳門啲洗費已經唔平,真係比多少少飛轉台灣仲開心。我係咁諗啫,總有人唔係架嘛,事關澳門一街都係賭場,入去玩兩手賺返船飛都咪話唔盞鬼。

    有呢個睇法嘅係讀者Mic,佢email問我:「七‧一」長假期會唔會有好多內地人去澳門玩兩手,從而從旺濠賭股呢?因為見銀娛(00027)好似好勁咁。

    First of all,大陸好似無「七‧一」放,大陸個長假期應該係「十‧一」,不過有假期又撞啱暑假,都唔一定係大陸人過大海先旺嘅,估計都真係有香港旅客過去玩返手啫。撞正放假,其實係邊個旅遊區都係咁多人架啦。

    Second,你問我正股?你真係決定要問我正股啦嗎?好,我照用技術分析嚟答你,買唔買/買啲乜你自己諗啦。(熟悉我嘅讀者都知道我一推襯正股輪/證,同死路一條係無分別)

    認真答,今日銀娛逆市造好,喺2點54分見升0.3%,報$52.55。噚日一支「大陽燭」借10天線做彈床,一彈就彈穿咗50同100天線,今日仲成功成粒燭企埋喺呢兩條線上面,不過呈暫「T星」,而且上方有條100天線($51.858)頂住,但都仲高過條保歷加通道頂($53.415)嘅,同時見保歷加通道口都有拓闊嘅跡象,當然擘口角度就唔係話好大啦,可能就係比多少少空間下方條SlowSTC(14,3)上到去見「9」字頭先掛,反正14RSI依家都就嚟上到60水平,按照過去半年水平,14RSI高於60水平有六次,當中只有一次升至70後繼續再下行,如是者你可視60呢個水平為準備回落位。

    換言之,依家都反映銀娛再上嘅空間有限,點買點做,就更係你話事啦。(同一份答案都email咗比你啦,慢慢睇)

    作者阿珊,從事財經及投資版報道逾10年,由平面媒體走到網絡世界,《鐘擺戰策贏港股》作者。相信技術分析,專玩輪證,唔貪心,志在搵餐下午茶。

    電郵:gladyshan@gmail.com;Weibo[下半part]:#Gladyshan#

    想睇更多財經消息

    相關股票

    編號名稱
    00027銀河娛樂