我的股票

    名稱 現價 升跌

    資料報價延遲十五分鐘

    標籤: 地產

    【城規建設】垂直綠化

    【地產】 2019/06/10 11:43

    【now.com地產】人們與生俱來就係愛好喺大自然環境中生活;但係城市人因為要揾食,而要居住喺石屎森林裡面。

    而香港要喺只有22%嘅土地面積開發社區,要喺極度狹窄嘅都市空間製造綠化來改善環境,就十分考工夫。

    亞洲好多國家,例如日本、新加坡等,都大力推廣於城市利用天台、直牆等這類特殊空間嘅綠化技術。綠化天台,喺香港已經推行咗好多年;而喺直立嘅外牆進行垂直綠化,現在就剛剛起步。

    垂直綠化好處有很多,首先,垂直綠化係降低建築物能源消耗嘅好方法。外牆植被,喺夏天就係對抗太陽輻射嘅屏障,喺冬天就係保溫罩。

    另外,垂直綠化係一套生物空氣淨化系統,由植物光合作產生氧氣,來潔淨由建築物排出室外嘅空氣。

    大廈外牆嘅植被,亦都係吸收城市高頻噪音嘅好辦法。

    垂直綠化其他好處包括:減輕城市熱島效應、減少石屎森林嘅兀突觀感,促進市民嘅社會心理健康等。

    要垂直綠化成功,選擇使用嘅植物種類、種植方式、與及維護管理,都係專門學問。

    渠務署2014年已經開展垂直綠化研究,選擇適合喺香港建築物外牆種植嘅植物品種,同埋研究相應嘅生長條件、保養要求等;亦用儀器來監測垂直綠化嘅緩熱效能,發現夏天期間,植被外牆錄得嘅溫度減少咗攝氏七度,成效斐然。

    綠化城市其實仲有好多種方法嘅。

    香港測量師學會會員

    想睇更多財經消息