我的股票

    名稱 現價 升跌

    資料報價延遲十五分鐘

    標籤: 地產

    【城規建設】空氣質素堪虞

    【地產】 2019/01/14 10:00

    【now.com地產】新聞報導:香港空氣變差,銅鑼灣、中環、旺角同埋大埔監測站,空氣質素健康指數錄得「甚高」水平;而港島東區、觀塘、深水埗等亦都錄得「高」水平。

    至於空氣污染物PM2.5懸浮粒子嘅濃度亦增加,中西區、東涌、大埔等嘅地區,錄得超出每立方米含100微克嘅高水平,對呼吸系統和同埋心血管系統可以造成傷害,導致氣喘、肺癌、心血管疾病等;對兒童、長者傷害更大。

    香港山多,地形被山巒所困,廢氣擴散唔易,所以城規部門喺製定土地用途圖則時,要加倍著力解決區內空氣困鎖嘅情況,確保區內空氣流通。

    可惜舊區大廈林立,街道狹窄,容易形成屏風效應,阻擋空氣流動;於是清新嘅天然風就往往喺天台吹過,無法流入樓宇之間。結果係區內空氣呆滯,污染加劇;而室內因為缺乏通風,病箘滋生,居民健康惡化。

    今日嘅城規考慮,就要優化區內樓宇佈局、排列與及高度,並且儘量增加街道闊度,同埋多啲放置廣場、公園等較為空曠地方,來達到至少五成時間平均風速每秒1.5米嘅風量,並且要確保風道(wind channel)可以通暢咁吹到入區內每個角落。

    舊區舊樓擠迫參差,要一時間解決空氣污染,緣木求魚矣。

    城市規劃係長遠策略,唯有透過提高城規標準,加快市區重建,下一代先至有望呼吸到清新空氣。

    香港測量師學會會員陳家欣

    想睇更多財經消息