【財經TOP SEARCH】比亞迪「奇案」令股價雪上加「傷」

【Now財經台】截至早上11時止，《彭博》系統Top Search No.1為比亞迪股份(01211)，第2至第5位分別係中銀香港(02388)、華晨中國(01114)、騰訊控股(00700)及澳博控股(00880)。

比亞迪爆出一單令人匪夷所思嘅「奇案」，一名內地女子竟然扮咗比亞迪高層三年，今年4月仲呃埋英超球隊阿仙奴同佢簽約，比亞迪話對呢個人所做嘅事唔知情，亦唔係公司員工，但更離奇係，同阿仙奴「簽約」果日，比亞迪嘅公關部揸弗人都在場，仲影埋合照。

Now財經台評論員趙善真話，比亞迪隔咗幾個月先有反應，點解咁遲呢？公司應第一時間澄清，然後再深入調查，依家咁樣好難令人盡信公司講嘅嘢。

趙Sir又話，比亞迪股價近期係咁瀡落去，一定係同基本因素有關，依家再爆出呢單「奇案」，股價只會雪上加「傷」。