我的股票

    名稱 現價 升跌

    資料報價延遲十五分鐘

    標籤: 地產08217

    【湯文亮話】細價股爆煲之弔股戰場文

    【地產】 2017/06/28 11:20

    【now.com地產】星期二細價股出現股災,有多隻細價股下跌超過五成,有幾隻細價股下跌超過九成。

    其實細價股在過去一段時間一直下跌,星期二當日只不過是加快速度,以翠如BB(聯旺集團(08217))股為例,已經由26元下跌至10元;當日再跌至1.06元,跌咗95.9%,真係喊都無謂。

    有記者問我對細價股睇法,我話一向沒有參與細價股買賣,所以不能夠表示任何意見;而投資細價股的人都知道,細價股買賣行莊家制,做莊的唔托住隻股票,股價一定會下跌,所以莊家要托市就一定要用錢,如果莊家資金不足,唯有抵押那些股票。

    事實上,由那時候開始,話事人已經由莊家轉移到銀主,倘若莊家到期未能還款,銀主就會斬倉,細價股股價就會急跌。星期二就是出現這種情況,但同一時間有咁多隻細價股爆煲,就比較少見。

    至於投資細價股的股民,見到股價急跌,正是「放就輸實,唔放就死梗」。正如李樺在「弔古戰場文」所說:「降已哉,終身夷狄,戰已哉,骨曝沙礫。」炒買細價股,就好似埋身肉博;老實說,投資細價股真的是不適合大年紀的人,年輕人有的是時間,輸完又嚟賭過。

    今次細價股股災,對股市影響很輕微,恒指只不過跌了30幾點,資深股票投資者絕大多數不會出現問題;年輕人就不敢說,如果年輕人炒賣股票,細價股一定是他們的首選,貪其快上快落,而且他們是非常有信心,認為在股票下跌之前可以預先放掉手上細價股。

    可惜今次股災來得快而狠,根本沒有時間走避,不少年輕投資者中伏,在細價股爆煲之前,鬼佬David Webb提出警告,但又有幾多年輕投資者會聽?他們反而會質疑鬼佬的說法。

    在細價股爆煲之後,我有多少替前摩根士丹利首席經濟師謝國忠不值,如果他說香港樓價衰足20年當日,同時預測細價股爆煲,今日就揚名立萬;我相信沒有人夠膽質疑他的香港樓市衰足20年說法,未夠班即是未夠班,捉到鹿都唔識脫角,無話可說。

    湯文亮
    紀惠集團副主席及行政總裁
    想睇更多財經消息

    相關股票

    編號名稱
    08217聯旺集團