我的股票

    名稱 現價 升跌

    資料報價延遲十五分鐘

    標籤:地產

    【智能生活】智能飯盒 自己話事

    【地產】 2020/03/20 10:49

    【now.com財經】雖然香港依然每日有新增新冠肺炎個案,但好多公司都已經陸續復工。在疫情下,打工仔返工可以點樣喺最低風險下食晏醫肚?

    香港大多數食肆都非常體貼,盡量安排客人隔開啲坐,等客人食得安心;同時又加強外賣服務,方便大家外賣返屋企食又得。

    不過,想再穩陣啲,就可以選擇帶飯;但好多時公司只有一部微波爐,多咗人帶飯,排隊叮飯都有排等,㩒完微波爐仲要記得洗手,搞到好大壓力。

    上週末,我去買咗個新版加熱飯盒。傳統加熱飯盒好多時都要插電掣加熱。

    新版加熱飯盒功能更齊全,首先有內置電池,好似手提電話咁預先叉滿電就可以隨時加熱,擰住個飯盒去公園或去海濱長廊對住個海,吸住新鮮空氣嘆熱辣辣飯盒,人都舒暢啲。

    新版加熱飯盒大多有智能裝置,除左可以預設加熱時間,仲可以接駁手機App遙控操作。

    開會前先喺雪櫃攞個飯盒放入加熱裝置,就算到咗食飯時間仲未開完會,都可以用手機遙控開關加熱,仲可以選擇快速加熱或保温,做到時間啱啱好,一返埋位就有得食。

    所以話,善用智能科技,得確可以令我地嘅生活變得更輕鬆,在疫情下都幫到手㗎。

    鍾練仁