我的股票

    名稱 現價 升跌

    資料報價延遲十五分鐘

    標籤:地產

    【城規建設】疫症下新城規概念

    【地產】 2020/03/30 13:30

    【now.com財經】新型冠狀病毒全球肆虐,傳播速度何其之快,某程度上與現代城市為咗剌激經濟,以高度密集嘅城市規劃模式,謂之「城市化」(Urbanization)有關。

    以香港為例,全港土地面積大約1,100萬平方公里,但係發展成為住宅、工商用途嘅土地只係佔 4%,而住宅用地只有6%。

    19世紀,霍亂全球橫行,死亡無數。英國約翰斯諾(John Snow)醫生追查到污水係倫敦霍亂爆發嘅根源。自此英國就改變咗地下排污系統嘅規劃。

    到咗依家,病毒喺世界各大城市失控擴散,令到規劃部門必須重新思考城規方向。

    為咗避免將來再有類似,甚至更攞命嘅病毒擴散,引致城市生活以及經濟停擺,其中一個重要嘅城規方向考量,就係打破「城市化」。

    以「分散化」(De-centralization)手段,將集中於市中心嘅經濟活動,改為由唔同嘅邊沿小中心來共同分擔。

    最容易達到「分散化」嘅方法,就係加強現有城市邊沿小鎮嘅經濟營商能力。要做到呢一點,就要積極強化小鎮嘅「數碼基建」(Digital infra-structure),即光纖、wi-fi、5G之類,以致鎮民唔使身處金融中心,甚至在家工作,一樣能夠取得同等嘅經濟成效。

    換句話講,城規概念必須改變,由透過人與人頻繁接觸來締造經濟,改為利用資訊快速互換來創富。呢個係一個徹底嘅「範式轉移」(paradigm shift)。

    香港測量師學會會員陳家欣