我的股票

    名稱 現價 升跌

    資料報價延遲十五分鐘

    【名家給力場】降香港評級嘅可能唔止惠譽?

    【分析】 2019/09/06 15:36

    【Now財經台】惠譽公布將本港主權評級由「AA+」降至「AA」,展望「負面」,即係反映評級有機會再被下調。惠譽指,香港自治受侵蝕,而且社會事件造成長期損害,預期下半年經濟會收縮,全年更將錄得零增長,又估計本年度嘅財政盈餘會接近零。

    原銀國際董事總經理陳建良話,市場唔需要將下調評級放得咁大,認為經過長時間示威衝突後,有評級機構下調評級都係預期之內,又相信近期示威衝突只係佔原因好小部分,真正嘅原因係預期經濟狀況唔好,政府財政受到衝擊機會較大。

    KL話,下調主權評級對短期市況影響唔大,但要提升返評級就唔係咁容易,需要相當長嘅時間,佢又唔排除其他評級機構都會重新審視香港嘅主權評級。

    陳建良
    原銀國際董事總經理