我的股票

    名稱 現價 升跌

    資料報價延遲十五分鐘

    標籤: 地產

    【樓宇法律】有租單先交租?

    【地產】 2018/06/20 11:00

    【now.com地產】九龍土瓜灣一整幢樓宇,以一間有限公司為名嘅業主,喺2004年以欠租理由向土地審裁處申請收返五字樓,最終五字樓租客反對失敗,土審處判租客要交返所欠嘅租同埋中間收益,如果唔係業主就可以收樓。租客不服,喺2006年單案打到去上訴庭,而上訴庭維持原判。

    喺2015年,業主委托律師向土審處就上訴庭嘅判決申請收樓。單案一拖就拖咗九年,個解釋係業主嘅董事長居美國,負責人又身體唔妥,未有適時跟進上訴庭判決,亦無察覺到租客原來一直都無搬走,而且其間亦無交租。

    租客今次話,喺2003年開始佢已經攞綜援,佢要得到張租單,先至可以交租。但係土審處認為呢個講法係本末倒置。

    租客交租嘅承諾,係獨立於租約裡面其他嘅承諾,而非受制於其他租約條款嘅履行,所以業主喺租約下嘅責任,並非係租客交租嘅先決條件。

    換言之,即使業主無履行佢嘅租約責任,租客亦必須履行租客交租嘅責任。按照依個法律原則,租客應該先行交租,咁至有資格攞到租單。

    由於呢單案嘅租客欠租屬實,土審處於是下令,租客要畀返欠租同埋中間收益;否則,租客就要交返層樓畀業主。

    租客再申請上訴,今次唔獲批准。

    (土審處申請編號LDPD 2015年第2490宗)

    香港測量師學會會陳家欣